韓國藝人鄭秀晶（Krystal）、吳千語、徐濠縈及袁澧林等昨日現身中環出席由服飾品牌舉辦的藝術裝置酒會，Krystal雖然只現身約十分鐘，但已吸引過百fans到現場支持。今年是她出道十周年，接受大會司儀訪問時被問到難忘回憶？她表示出道這麼長時間，很難說那一個時刻最難忘。問到未來會有甚麼新嘗試？她表示自己喜歡學習，之後都想有機會學時尚、家居、攝影及設計。Krystal又謂現時有看劇本，但未落實。問到希望跟哪位香港演員合作？她表示香港很多演員都好出色，要選一位很難。
「細個被人偷影過」
至於吳千語昨日穿恤衫露出玉腿到場，她笑言：「我有着褲㗎！」她表示一向喜歡穿短褲，只是在香港不太敢着：「因為香港人比較保守，咁着會集中望你冇着嗰個位。」可有試過在外國大解放？她說：「如果喺沙灘附近，着泳衣喺沙灘附近行街都OK。」不過，千語曾試過穿得太性感，出街時遇到不禮貌目光，她說：「好刻意咁望都有唔舒服感覺，會尷尬。細個時好似被人偷影過，當時搭緊扶手電梯，好似有個電話喺附近，不過太細個唔知，事後諗番起都係似，如果𠵱家一定會鬧，細個就會驚箒。」
上山女尊重男友
同場的上山詩鈉女兒Hilary昨日獨自出席活動，早前被爆有新歡的她，被問到男友為何不陪伴到場？她說：「唔係個個鍾意咁，佢低調啲，都要尊重，但人哋都有屋企人，未必鍾意。」有指男友連她去廁所都陪伴，Hilary笑指行街去廁所都好正常。問是否喜歡男友細心？她即帶點尷尬說：「可以咁講啦！」又表示二人拍拖一段時間，但沒有結婚打算，因為大家都好年輕。
採訪：盧妹
攝影：沈健程
更多精采時尚內容，盡在 http://add.appledaily.com。