林嘉欣昨晚與梁洛施、麥浚龍和韓國女星裴斗娜等到中環出席品牌活動，郭富城專程由澳門趕回來，他欣賞展覽後表示已經看中吊椅和沙發，問到家中快有新成員，是否已經準備好BB床？他笑言：「本身已經有人送，希望呢個品牌可以出BB床，由我做設計。」
嘉欣手做皮具
問到女兒有否準備禮物給新成員，城城說：「咁又未，不過會成日同佢講，佢知道自己做家姐，𠵱家一歲半，講嘢清晰咗好多，尤其叫爸爸媽媽，我哋都好冧，同事嚟屋企都大讚佢得意，大家走佢會不停揮手飛吻，好似親善大使，我覺得好幸福。」城城又說好的家庭會給予溫暖，又笑言自己是暖男。問到古天樂想翻拍《風雲》，在電影中演步驚雲的城城表示要先看故事和內容。
同場林嘉欣談到有否收藏手袋或飾物的習慣，她說：「慶幸自己工作上，經常收到品牌送或者借手袋，自己整手袋就比較多，會做嚟送畀朋友做生日禮物，由自己構思、揼釘、𠝹皮，都有做畀囡囡，老公都收過一啲小錢包，屋企嘅相框都係自己整。」問到會否與囡囡一起動手做手袋，「皮就真係難啲，都需要力度，褩皮有危險性，不過做出嚟同買唔一樣。」
梁洛施眼發炎
梁洛施戴着黑超到場，她謂左眼發炎：「星期五會做小手術，都唔知醫生會點搞，唔知係眼瘡定係乜嘢，不過手術之後會休息幾日。」問到囝囝有否心痛？她說：「佢哋知㗎，不過好少事箒，問咗醫生都係小問題。」她更笑說向醫生表示自己有潔癖。
韓國女星裴斗娜身穿短裙騷長腿現身，問到來港最想做甚麼時，她透過繙譯說：「今日下午吃了點心，知道香港人有飲茶的文化，今晚希望有時間四處走走。」再問最想與哪個香港演員合作，她說：「自己喜歡挑戰，但暫時沒有人邀請我來港拍戲，自己也是看香港電影長大，像《英雄本色》，演員最欣賞梁朝偉。」
採訪：盧妹
攝影：陳俊強