近期天水圍最出名的人，要算是東華三院名下小學那位喪鬧老師的羅校長。一鬧成名之後，羅校長閃人深潛，一直休假。有近百位校長聯署撐她，指「校長都是人」。咦，近百校長玩彩蛋，叫人回想發展局長那句「警察都唔係個個都係好人」嗎？校長凌辱老師至死，在老師跳樓前，有無火上加油？有無將攻擊詆毀模式升級？校長係大人唔係大帝，點都要交代，毋需寫悔過書，但要詳細陳述，給個說法，有冇煽惑他人煽惑自殺呢？
校長拍拍屁股閃，本報揭發，校長原來閃去了精神科留醫。校長，唔係個個都係正常人，校長，傻的嗎？詐傻明呃東華三院，王主席當羅校長失聯，羅校長當王主席失智！入院這一招，是向外宣示，自己發癲，以往失心瘋迫害老師，是因為冇食藥！如果傳媒再追料，羅校長下一步，就會在病房舉行招魂儀式！係呀，羅校長抵受不住壓力，三魂唔見了七魄，肉體猶在，靈魂已發配新疆，在集中營精神流浪！外交部說集中營是寄宿學校，與其加重公院醫護壓力，校長不如翻盤，加入新疆寄宿營，執掌校務，鞠躬盡瘁，死而後已！若干年後，說不定有人會在邊疆呼喚：羅校長，你返來啦……！