能夠做到一大巨星基斯坦奴朗拿度（C朗）嘅女友，佐真娜當然擁有唔少過人之處。佢最近就得到意大利高級內衣品牌Yamamay嘅青睞成為代言人，仲為品牌拍攝咗套性感內衣照廣告㖭。
現年25歲嘅佐真娜青春無敵，係一眾高尚品牌嘅新寵兒，佢近日就為高級內衣品牌Yamamay影咗輯廣告相。着上一身橙色內衣套裝、披住一襲長黑曲髮擺晒甫士嘅佐真娜，驕人身材表露無遺，難怪連C朗都被佢吸引到。
C朗上周二喺歐聯16強次回合大演帽子戲法，幫祖雲達斯主場以3:0大勝馬德里體育會，兩回合計贏3:2晉級，可以話係球隊嘅功臣，佐真娜仲俾人見到佢睇到喜極而泣；而C朗亦啱啱喺上周五再次入選葡萄牙國家隊，闊別八個半月後終於回歸，備戰月尾歐國盃外圍賽，相信佐真娜會更加為C朗感到驕傲喇。