王家衛、黃秋生和曾美慧孜等前晚在尖沙嘴出席「香港電影編劇家協會2019年春茗」，王家衛獲大會頒發「榮譽大獎」，他在台上致辭時帶來親手撰寫的《重慶森林》電影劇本，為被指拍戲沒有劇本平反，他說：「要多謝協會撐我，還我清白。講咗咁耐大家可能懷疑有冇劇本，所以我帶咗啲證據嚟，我真係有寫㗎。」
王家衛又感謝家人支持，他笑說：「成日得到我個身，得唔到我個心，平時生日喜慶節日，成日見我眼定定諗緊嘢，一副諗嘢樣。我平時寫劇本鍾意喺人多嘅地方，好似咖啡店、茶餐廳、酒吧。」他受訪說正籌備新劇本《繁花》，是《花樣年華》、《2046》的第三部曲。問到會否找梁朝偉演出？他說：「冇所謂，如果偉仔識講上海話都可以。」
秋生視發哥為勁敵
另外，黃秋生和曾美慧孜分別憑《淪落人》和《三夫》奪得「最佳角色演繹獎」，而「推薦劇本獎」則由《無雙》的莊文強和《淪落人》的陳小娟奪得。問到秋生可期待奪金像獎影帝？他笑說：「冇完美嘅，人生處處留遺憾，係差個奧斯卡囉。」他坦言最強對手是周潤發：「最勁梗係發哥，發哥喺度邊個敢攞。」曾美慧孜則笑言：「好像不停吃糖果一樣，令我很開心。」此外，昨日秋生又獲第21屆烏甸尼遠東電影節頒發「傑出成就金桑獎」，得悉獲獎的秋生說︰「一個漂亮的地方，領一個漂亮的獎。」
採訪、攝影：林賓尼、馮嘉銘