趣趣地：踢波冧燈柱　死神又來了

最近有場美國高中足球發生意外，踢緊嗰陣燈柱突然冧咗，好在只係砸傷咗旁證隻腳。當時有個白衫球員開界外球，佢後面枝燈柱就忽然冧咗（黃圈示），嗰位白衫球員好彩避過一劫，反而對手着黑衫嘅一位球員同旁證就走唔切，不過好在唔算係大傷。報道話，黑衫球員個頭同隻腳俾燈泡碎片割傷，旁證就慘啲，因為燈柱砸中佢隻腳搞到骨折，但就冇生命危險。