施丹周三朝九點就準備佢回歸皇馬後嘅首操，從皇馬發佈嘅相睇，施丹愛將、法國同鄉射手賓施馬笑晒口，隊長沙治奧拉莫斯喺施丹鼓勵下都好賣力。《馬卡報》又話，施丹首操嗰陣要求球員，話就算球隊好有機會四大皆空，但都要帶住尊嚴完成賽季，又話施丹回歸後，第一件事就係call拉莫斯，講自己嘅未來大計，同埋話佢哋關係一直冇問題。