東華三院主席自言與逼死老師那位羅校長失聯，校長在老師跳樓死控之後翌日已經叫同事當無事發生過，照做嘢，自己卻失聯，羅校長是怕被「永不取錄」嗎？歡樂滿東華，老細，應該唔會學理大高層對學生，咁絕情係嘛。一個喪鬧老師當常態、逼死老師眼都唔眨一下的殘暴校長，其實呢，大把學校搶住請！跑馬地那家女校就有「需要」，只要羅校長坐鎮，老師就算比林鄭膽自大柒倍，都唔敢報警拉學生。羅校長涼血對待死控的老師，但對被老師奪命追call而跳樓的逃學學生，又點處理？元朗地區名校請羅校長過檔的話，麻煩的師生，被迫到相偕跳樓，問題，就不存在啦嘛！羅校長這幾日失聯，有可能係閉關鑽研，如何將學校升呢做清洗基地，自己做清道夫，將眼中唔夠班的老師和唔聽佢點的同學，逐一逼上梁山！東華主席咪咁天真，羅校長不是失聯，而是學電動車，啟動攻擊模式！
羅校長潛水，蔡姓女副校頂上，老師浩歎，副校與羅校天生一對，奴役老師，家常便飯。變態校門雙驕，是天水圍的噩夢。羅與蔡兩位教育才俊，自詡超班，好快會跟教聯去大灣區買樓，行埋祖國，逼害老師係愛國教育新常態嘛，犯法咩？