吳雲甫（Owen）09年參選香港先生入行，多年來大部份角色都是跑龍套，做過林峯MV笠頭，也走過去拍《喜愛夜蒲3》。幸好家庭環境不俗，有「本錢」繼續追夢，吳雲甫日前接受《蘋果》專訪，他自言未有氣餒，以「畀錢睇明星」心態繼續打滾。
採訪：嵐山
攝影：陳慧安
現年37歲的吳雲甫入行10年，相信不會太多人記得他的名字，他近日憑電視劇《荷里活有個大老千》令人留下印象，劇中與劉溫馨有不少感情戲，他日前接受《蘋果》專訪，坦言是演出最重角色的一次，他說：「起碼有感情線先，同劉溫馨拍咗幾場就要kiss，仲緊張到諗吓使唔使買漱口水。」
Owen過往的角色大多是行行企企，試過做林峯MV，林峯扮死神食蘋果，他卻要笠頭：「當時有位藝員科好資深嘅同事講咗一番話，當年陳智燊都做過黃宗澤替身。」
扮死屍凍病咗
Owen曾與黎耀祥及鄧萃雯拍《巾幗梟雄》大受委屈：「場戲講我着住軍服中槍倒地，我一直聽唔到導演嗌cut，整整吓就喺地上瞓着咗，主要演員就有人接待放消夜，臨時演員又有阿頭捉去一間房等下一場，我就唔知瞓咗喺度幾多個鐘，最後凍醒咗，之後病咗兩日。」
怕情慾片好玩
不過，Owen自言未有氣餒，更以「畀錢睇明星」心態繼續打滾，他說：「我可以同明星一齊玩，又有錢收，要將事情做好，令件事更有型。」或許，是因為他家庭環境不俗，爸爸是茶葉批發商，所以有「本錢」繼續追夢。於16年離巢後，Owen就拍過不少情慾片，如《喜愛夜蒲3》，他說﹕「都要睇劇本，睇好唔好玩同刺激，未必情慾，血腥、暴力都OK。」
場地提供：Eliment Fitlax
服裝：Crazy Fashion / 2XU