商界極之憂慮逃犯條例通過，會被煮重米，極速周而不是慢慢周，是以曾經一度成為網絡搜索詞之冠的小桃源飯局，神秘梅開二度，各路人馬，包括形容理大同學似黑社會刮友那位，應邀做飯局主持，大家有煲同撈，主持說：「無有怕，祖國一定照住各位闊佬。」舉筷都手震的商家顯然唔相信校董片面之詞，摸底問「包二三四奶都無事？」食住滷味的主持回應：「何生做人辦，除非你活到羅中年講的120歲，咁遠景嘅事，我估計唔到。」
商家精甩尾，打蛇隨棍上要求「叫阿爺豁免商家，剔走46條罪裏頭與商界有關的，咁我們會好識do，一定捐N個千萬，西環唱支歌，籌一個億都得！」校董精刮過商家，吊高來賣，係憲制新常態下的戰略部署，於是扭着下身呻吟一聲：「呢件事，我地fb教主狼先生最有話語權，假如商家撐他復位，阿柒連任無行，咁就萬事有商量。」曾舉拇指大讚阿柒做得好那位闊佬嚇到失禁，空穴來風，狼吞蛾原來係堅料！逃犯條例是表，狼蛾惡鬥是裏，富商不笨，以屎急做借口即遁，邊行邊咒罵「X！班屎忽鬼，當我們商家係砲灰！」