【爆相爆片】周汶錡與法籍老公Julien育有兩子，日前《蘋果》讀者何先生透過「爆相爆片」分享，周汶錡與老公及一女長者現身到荃灣龍母廟拜神，當日周汶錡戴眼鏡，穿灰色衞衣配牛仔褲，而Julien就以白色恤衫襯西褲。
何先生表示：「嗰位長者叫珍姑，喺呢間廟好出名解籤，據知係好難約，見到佢兩公婆一嚟到，珍姑就嚟接待，之後周汶錡化完寶，仲去埋摸龍床，摸龍床係求生BB，佢全程都好熟手，佢老公就喺側邊睇，留咗半個鐘就走。」其後周汶錡回覆：「我同老公去攝太歲，佢犯太歲，冇摸過乜龍床。」何先生亦表示當日遇到陶大宇與女友：「佢哋好熟手去上香、求籤，搵完珍姑解籤後就幫友人去攝太歲。」
採訪：唐如
