自從宣誓風波上訴官司敗訴之後，游蕙禎已經淡出政圈，冇乜再現身大小集會，不過好多網民仲好留意女神游BB動向，日前有網民就轉貼游BB喺fb貼嘅相，佢一身運動裝露出一條fit到漏嘅腰，好多網民仲話佢瘦咗同靚咗！
其實游BB呢個po係想sell瑞典品牌藍牙耳機，八方發現之前佢已經係fb貼護膚產品相同介紹產品嘅文，可能佢諗住唔從政轉戰KOL界，一於做網紅做代言人，雖然游BB已經淡出政圈，不過八方發現佢人氣不減，好多人留言撐佢，仲話佢一出手，坊間啲beauty blogger可以收得皮！ 唔少網民仲分享佢嘅相，顯示游BB即使唔玩政治，仍然仲有相當人氣！