美國女足國腳Sydney Leroux雖然有咗六個月身孕，但照捧住個肚落場參加練習賽，唔知佢就嚟出世嘅BB將來會唔會一樣咁鍾意踢波呢？Leroux嘅做法雖獲得唔少粉絲大讚佢勇敢同敬業，但就似「玩命」多啲，不過佢就話自己踢波相當「錫身」，唔會畀腹中嘅BB受傷：「我唔會畀自己置身喺衝撞嘅情況，亦會避免跳躍，仲會好小心唔會畀個波省中腹部。」