冇呃人，689被777修理得八八九九，想做聯繫人，無行，想做參與者，無碇企，遭迫埋死角，長坐冷板，真正得閒死又得閒病。病發時，只能在fb發癲，每發一次，對自己有極高療癒效用。
不過呢，689發到似濕疹，只見全身紅腫，皮開肉綻，益發顯得其人面目猙獰。睇他的fb發狠公式，不外乎毒罵：假如在美國，你咁樣示威，早就被開槍射殺。又或：學校只係罰你終生不予取錄，未算去到最盡，都未報警哩。千篇一律挑撥公式是：又唔見泛民的子女被罰停學、被拉坐監……咁咁咁。689唔係一般精神科可以收，盧建民認為赤柱監獄啱佢而且有位，等住他入去坐坐。這個良性建議，689最有可能的回應是，又在fb發作：如果換了在美國監獄，你早就被其他囚犯雞姦了！689啊，恫嚇的功夫要與5G並進好不好，下次將美國換成中國吧，驚嚇度肯定急升，大學生驚聞校內抗議，一旦入境大灣區，毋須引渡，會被加追港獨罪！美國做不到的，中國超額完成！後生仔追念從前的香港，包括689老竇當差那個沒有fb的年代，幻想一下，假如梁差骨識避孕或者戴啱個套甚或不舉，世界，會美好不少。