波圖上周六主場同死敵賓菲加踢咗場大激鬥（圖），正當呢場全國關注嘅「葡萄牙國家打吡」舉行之際，有班囚犯竟然想趁機越獄，不過就被獄警識穿咗。據報道指，10個喺布朗庫堡一間監獄度服刑嘅囚犯就認為獄警會因為場波而分心，所以係走佬嘅好時機。佢哋喺監倉度掘咗條通去外面嘅秘道，好彩兩位獄警冇掛住睇波擅離職守，及時發現秘道再啟動警報，最終成功制服咗呢10個囚犯。