一家行公園陸永兩女單車板車鬥賽

一家行公園
陸永兩女單車板車鬥賽

【九龍城】農夫成員陸永和索爆老婆Reina結婚七年多,現年28歲的Reina已經是兩女之母,7歲大女Hannah和5歲細女Kenzie越大越似靚媽咪,難怪陸永不用開工,都會陪在這三位「大小情人」身邊。

【各有各忙】
陸永與老婆Reina日前帶兩個囡囡到公園玩,不過兩人卻不斷做低頭族撳電話。DV圖片

【前後包抄】
陸永跟老婆一前一後,睇實兩個可愛囡囡。DV圖片

【樂也融融】
一家四口在公園遊玩後,陸永為囡囡拿着單車離開。DV圖片

【睇補習社】
陸永一家到九龍城後,即入商場睇補習社單張。DV圖片

睇補習傳單

日前下午4時許,陸永一家四口現身九龍城,兩夫婦陪囡囡踩單車,兩個囡囡還穿着相同品牌的姊妹裝,非常可愛。陸永一家抵達九龍城一個商場,便搭自動電梯前往頂樓,該樓層大多是補習社和學術班,Reina拿取一些宣傳單張研究,似乎想幫囡囡報讀補習班。隨後一家四口前往附近公園玩,小朋友去到公園即時變得生猛,一個玩單車,一個玩板車,夫婦二人就各有各忙,Reina不時傾電話,陸永則似在回覆短訊。

Reina傾完電話後,即時指揮囡囡到小斜路玩,相反戴着漁夫帽的的陸永,則全程做「低頭族」,大多時間都在按電話。小朋友大約玩了半個小時,陸永便和老婆帶囡囡離開公園,但大女Hannah似乎意猶未盡,繼續踩着板車跟父母走,相反細女Kenzie踩單車踩到攰,陸永便一手拿着單車,一手拖着細女慢慢行。之後,陸永老婆帶着兩個囡囡先到餐廳醫肚,陸永就單手拿着單車和板車,行到泊車位將它們放回座駕,再會合三母女開餐。
採訪、攝影:梁繼光