上周六嘅日職「西班牙打吡」，有前國腳韋拿同恩尼斯達在陣嘅神戶勝利船，喺主場迎戰費蘭度托利斯效力嘅鳥棲砂岩。神戶一開賽就積極搶攻，全場就錄得13次射門，不過唯一入球就出現喺54分鐘，新加盟嘅韋拿喺前場把握對方後衞解圍失誤直推入禁區，單刀冷靜射破鳥棲嘅大門，以1:0小勝打開勝利之門。