賀歲電影《廉政風雲 煙幕》香港票房大收3,100萬元，劉青雲、張家輝、林嘉欣、袁富華及導演麥兆輝前晚到灣仔出席電影慶功晚宴。問麥兆輝有否向青雲預期拍續集？青雲搶答：「唔使特登留我，我都冇嘢撈。」麥兆輝透露要考慮開續集或是另開新故事。記者提議下次可以找青雲老婆郭藹明跟他夫妻檔演出，青雲笑說：「呢啲導演決定啦，我好從容，睇吓劇本啦。」
日前政府公佈財政預算，其中一項是撥10億予香港電影發展基金，麥兆輝對此表示讚成：「好事，一定幫到新導演，𠵱家係合拍片時代，如果有政府資助就最好，純本土題材好難搵到投資。」
家輝自嘲似毒販
張家輝及林嘉欣近日都驛馬星動，嘉欣早前到訪法國一星期，訪問了當地不少藝術家，她笑言行程似返學。家輝則曬得很黑，他說：「我似唔似金三角啲毒販？因為我去完緬甸拍戲十幾日，太陽癡纏咗我十幾日。」問到兩人會否參與續集演出？嘉欣說沒所謂：「我做乜角色都得，但唔做媽媽，因為女演員做完媽媽好易被定型。」家輝就講笑唱反調：「我做爸爸都得，好似色情片啲男演員咁，做完一次就好難甩。」
採訪：曹家誠
攝影：陳慧安