史上最全能嘅球員係邊個？C朗？美斯？對唔住，上述兩人都唔係，而係英甲韋甘比前鋒艾堅芬華！艾堅芬華最出名唔係射術好，而係有副魁梧身材，事關佢喺遊戲《FIFA》中嘅球員力量數值最高，由於已有成百萬嘅網民追蹤佢嘅ig，所以《FIFA》嘅廠商為咗慶祝呢個創舉，特意整咗張特別版UT卡（Ultimate Team）畀佢，力量、速度等六大指標全部爆燈。