賭王千金何超蓮昨日於中環出席化妝品牌活動，全黑低胸性感打扮現身，提到前日是家姐超雲的30歲生日，超蓮說：「係呀，好好笑，佢唔知喺邊度聽番嚟，話想要一隻紅雞蛋，不過媽咪唔識整，所以就咁烚咗一隻蛋畀佢。佢正常收到好多花，屋企成個花海咁。」超蓮指不清楚花束是否超雲的追求者所送，她說：「咁靚女，追求者眾，應該有嘅。」超蓮大讚家姐主動在互聯網寫上真實年齡，勇氣可嘉：「畀我就寫少十年，19年開始有個10 years challenge，我post咗9歲時嘅相，好唔要面，我會周圍同人講19歲。」
問到超雲的生日願望，超蓮說：「佢都係做嘢，同我一樣，大家都唔係向結婚方向行，佢比較低調，好深閨。」又指家姐唔憂嫁：「緣份遇到就會遇到。」
採訪：羅慧敏
攝影：葉君海