【本報訊】伊利沙伯中學舊生會湯國華中學繼續神奇之旅！繼16強爆冷擊敗仁濟醫院董之英紀念中學，湯中8強再以1:0擊敗豪門喇沙書院，球員上下一心譜出奇蹟，四強將決戰南島中學。
湯中以元朗區亞軍之身殺入精英賽，首兩輪分別於互射12碼階段淘汰匯知中學與董之英。昨日八強對戰喇沙一度受壓，尤其對手翼鋒蘇荻安表現活躍，25分鐘禁區跳頂中柱彈出。湯中大難不死，下半場四分鐘，喇沙門將出迎時間有誤，於禁區撞上己隊後衞，後備入替的湯中球員黃啟聰漁人得利，輕鬆撞入先開紀錄。喇沙其後傾巢而出，然而狂轟猛炸無功而返，飲恨出局。另一場八強賽，南島中學以3:0大勝觀塘瑪利諾書院。
湯中擊敗喇沙昂首晉級，功臣吳家浩賽後大呼神奇，「好神奇，我哋頭兩場只贏12碼，人哋係D1學校，我哋只係元朗區亞軍。」隊長曾耀輝則指球隊以意志奠勝，「冇諗過走到咁遠，以為贏一場就好似上年咁玩完，好多謝隊友每人肯走多步，我哋團結，呢團火唔係隊隊都有，好彩喺呢隊波搵到。」下半場湯中遭喇沙圍攻，曾耀輝於危急之際不斷激勵隊友，他解釋：「我想同隊友講，大家都攰，但只要有意志，冇嘢係冇可能。」
記者：洪量丰