惠英紅昨日與陳豪到灣仔出席珠寶品牌晚宴，惠英紅一身黑色晚裝，問到會否性感出席亞洲電影大獎及金像獎？她笑說：「我性感得去邊？我後生都性感過。」提到很多美魔女都會上載比堅尼照，她說：「𠵱家都仲有影㗎，如果攞咗獎就派福利畀大家。」惠英紅謂現時每日習慣操水個半小時，但以專業泳衣上陣：「比堅尼試過游游吓甩咗條繩，即刻換晒啲專業泳衣。阿妹最近學攝影，仲買咗套桃紅色比堅尼畀我，好少布嘅，搞到我放假都要幫佢做model。」
陳豪談到湊仔女，笑指仔女很黐身：「平日返學，都要逐個攬幾吓、錫幾吓，見到個女嘟起個嘴，就算幾忙都會飛個嘴過去。」又大讚太太陳茵媺教仔有方：「佢令到小朋友好有自發性，我又嗌又跳又鬧，佢哋都唔做，太太真係好有本事。」
採訪、攝影：盧妹