周汶錡前晚與劉嘉玲在鰂魚涌出席珠寶品牌活動，嘉玲一身透視上衣黑bra配黑絲現身，支持好友陳瑞麟與陳幼堅合作設計的品牌影片揭幕。
周汶錡自言十分忙碌，大仔剛放完悠長假期，她要費盡心思為兩子設計遊戲，她說：「因為之前流感加上新年，大仔放咗三、四個禮拜假，要幫佢諗節目，真係好頭痕，設計咗好多遊戲畀佢哋，細佬都跟得好快，無論講嘢、行為都比阿哥同齡嘅時候快，好有表演慾，𠵱家成日古靈精怪。兩個都好黐我，左右髀一邊一個，好呷醋。」又笑言站出來優雅，其實忙得頭暈，故暫未考慮再生。
催妹妹快啲生
問到兩兄弟會否打架？周汶錡說：「會㗎，細佬更加唔蝕底，但自己都要分配好時間，慢慢學，不過好搞笑。」問到妹妹周勵淇新婚與妹夫相處如何？周汶錡謂農曆新年有與妹妹及妹夫團年，但卻十分倉卒，她說：「OK㗎，嫁咗咪好，快啲生啦，梗係要生，同我個仔玩，佢年紀都唔細，生個女都好呀，好開心。」
陳瑞麟講曼玉
同場設計師陳瑞麟指品牌今年踏入15周年，未來會有一連串的慶祝活動，包括巴黎開第三間分店，並會在康城舉行活動。提到品牌最為人知是與張曼玉（Maggie）合作，陳瑞麟說：「佢忙緊作曲，我哋有聯絡，佢𠵱家醉心音樂，應該會有新作品。」問到他們會否再合作機會？他說：「未有具體嘅計劃，我哋成日都會見面，因為大家都鍾意藝術。遲啲喺巴黎開舖都可以考慮搵Maggie剪綵，呢個係好主意。」
採訪、攝影：羅慧敏