喺皇家馬德里失去正選、兼早前拒絕參加球會派對嘅加里夫巴利，喺日前西甲對利雲特嘅賽事入波後，竟然一手撥開想上前慶祝嘅隊友盧卡斯華斯基斯隻手，呢個動作已激嬲咗部份皇馬隊友，好似馬些路、艾斯高、馬高阿辛斯奧同埋卻奧斯仲打算杯葛呢位威爾斯球星。至於同巴利算熟嘅前熱刺隊友莫迪歷，就暫冇表態。