【本報訊】學界田徑比賽期間，對正灣仔運動場的商業大廈外牆掛起印有香港「跳高icon」楊文蔚（Ceci）肖像的巨型廣告，主角楊文蔚趁學界D1首日賽事現身灣仔場，笑談過往出戰學界的經歷。
達20層樓高的廣告恰好正對跳高墊，Ceci甫見到即大呼誇張，「現場一睇，嘩！真係好大，嚇親我。」場上健兒爭獎逐分，過往Ceci亦曾經歷學界階段，她表示當年出賽壓力大，心情緊張，表現不及訓練，「成個環境包括老師、同學、隊長都諗要大滿貫要攞分，好緊張。當年學界前訓練我都跳過1米70，三次D1學界僅得1米6幾，好大壓力又好驚，試1米70都『撻Q』，極速完成。」
今日Ceci已創下1米88的香港紀錄，回望昔日奮鬥點滴，她指其時固然認為學界重要非常，但後來發現也不過是一場比賽而已，寄語來者放鬆心情應對，「唔好當學界係定生死嘅比賽，世界好大。我當年最後一年考DSE時，年齡不合參賽資格，我場邊見到好多唔同學生參加，就算做得唔好唔代表你冇付出、冇努力。」
記者：洪量丰