紐卡素禮拜二晚喺英超憑住法比安舒哈同埋桑恩朗達夫嘅入球，以2:0擊敗般尼，取得兩連勝。至於排緊包尾嘅哈特斯菲爾德，就靠前鋒穆尼爾完場前絕殺狼隊，結束英超14場不勝，亦係領隊舒維特首次贏波。唔講唔知，哈軍對上一次英超贏波，對手同樣係狼隊，即係佢哋今季所攞到嘅14分入面，有六分係出自狼隊身上。