何超蓮、林愷鈴、湛琪清、馬詩慧和女兒王麗嘉前晚到中環出席珠寶品牌活動。超蓮早前在Ig派福利，上載浸溫泉大露背照片，賀個人Ig破50萬人追蹤。她大爆事後被媽媽三太陳婉珍訓示：「好多朋友都話死啦，咁100萬點算，媽咪睇到就好嬲，叫我唔好post呢啲相，為咗聽取媽咪意見，決定100萬就唔post。」
超蓮孖生弟弟何猷啟日前自爆已婚一年，超蓮坦言當日有觀禮：「媽咪都好高興，有一齊去觀禮，佢鍾意低調，盡量唔講，自己知咪得囉。」超蓮沒有特別送禮物給猷啟，但未來會幫手籌備婚宴，但就不肯透露婚宴地點。對於猷啟表示希望生龍鳳胎，超蓮笑說：「咁大鑊？暫時未有好消息公佈。」她自言未被催婚：「真係冇，媽咪𠵱家成日宣揚唔一定要結婚，女性要有自己事業，唔使急結婚。」
採訪：卓寶花
攝影：仇志德