衞冕的巴黎聖日耳門（PSG）禮拜二晚喺法足盃主場以3:0輕取迪安，輕鬆晉級準決賽。PSG雖然冇咗尼馬、卡雲尼兩位射手，但仲有「天使」迪馬利亞做殺手，佢開賽八分鐘就接應達斯拿嘅傳送喺禁區邊笠射破網，28分鐘迪馬利亞窄位施射增添紀錄至2:0，箭頭祖普莫亭喺76分鐘交予中場梅尼亞埋齋，協助PSG取得淨勝3球入4強。