財政預算案是粉綠色，阿茅波整餅解話，是代表前景不明朗，有危亦有機。
粉綠，台灣選民最敏感，係咪影射民進黨前景？深綠被對岸打壓冇運行，淺綠騎牆左右逢源一樣冇寰轉。香港官場又唔同，幫政府塗脂抹粉，做大個餅，N贏。
傘後的藍絲黃絲，被茅波抽絲剝繭，剩低粉綠絲。高官自製fans，谷高民望，呢一波，無風必起浪，林鄭係咪有少少妒忌？抑或嬲到沒頂？綠與6，唔利7嘛。
99.9%市民不是粉嶺高球會會員，對那片140公頃綠地永續租約，平益富貴會員，必然好很粉怒。霸住綠地傾生意的粉腸，幾時被大灣區規劃？粉綠唔幫到闊佬隱形，球場天眼睇晒，逃犯移交，一桿搞掂。
財政預算用粉綠而捨棄紅，明顯睇住綠色美鈔辦事，人幣嗎？um，唔係你財唔入你袋，有朝一日，話唔定會從天或者車頂而降，好冇？
粉綠，百度釋義指是婦女化妝品，引詩「乃知時世妝，粉綠徒爭憐」。YouTube上載粉綠白腰天蛾的長相，阿波頂頭鎚，係咪想捉蛾？