1補習天王關注，大灣區規劃綱要，會納入明年DSE考題嗎？通識雞精班，賺硬。
2大灣區，英文唔多work，大灣講乜話？大灣話縮寫係咪大話？以國家名義殺人，唔犯法，以大灣區名義講大話，啱晒鄭司長、陳局長、港鐵和路政署。OL想轉行入工程界，大灣區大把機遇，斷纜？大話冚大話OK。
3大灣區，明日大嶼，習大大，未來N年出世的男仔，個名唔再一窩蜂叫做梓，個個順應風水叫做大。餅大，官自然大。
4規劃綱要畫公仔畫出腸，林鄭與車公一樣被廢武功。施政報告收皮，轉型講吓自己去邊度買平價香腸，教吓三歲細路恐龍的法、德、俄、日文點講，傀儡兩個字，點寫。
5G冇華為，等於英超冇曼聯？任老闆和摩佬是對的。冇一國兩制，只得規劃綱要，等於香港冇咗維多利亞港，中環唔見咗終審法院，歷史檔案消失，添美道87枚催淚彈，是六七暴動菠蘿的延伸。
689欠7，大灣區冇碇企，狼死又點？只能做自己五千萬的代言人。