中乙球會內蒙古草上飛（白衫）上周六就發表公告，指球會如果唔能夠喺3月1日前向中乙賽會補交高達100萬元人民幣嘅保證金，咁球隊就好可能會被踢出中乙，所以請求外界可以伸出援手，又希望會有新投資者幫球隊度過難關。據報今次已經係內蒙古草上飛第二次向外界發出求助訊息，事關今季中乙賽會突然提高標準，將中乙參賽球會嘅保證金由原先嘅50萬提高至150萬，搞到好多中乙球會其實都仲籌緊錢。根據中乙賽會向內蒙古草上飛發出嘅通知信就話，新一季中乙聯賽將會喺3月16日開賽，如果內蒙古草上飛唔能夠喺3月1日之前補交100萬保證金，佢哋就會自動失去參賽資格。