史篤城同英格蘭名宿哥頓賓士喺本月12日逝世，史篤城就安排咗門將畢蘭特喺上周六迎戰阿士東維拉嘅英冠聯賽度，着咗件綠色嘅復古特別版波衫，向呢位傳奇門將致敬。哥頓賓士被譽為英格蘭歷來最穩健嘅門將，佢喺1967至73年間效力史篤城，仲喺72年幫球隊奪得聯賽盃冠軍。佢喺當年聯賽盃決賽就係着咗呢件綠色波衫，協助球隊以2:1擊敗車路士奪冠。至於𠵱家呢件特別版波衫度就印咗哥頓賓士嘅生卒年期喺度，由畢蘭特着住嚟出戰維拉。至於場波方面，史篤城喺上半場五分鐘就已經由禾基斯先開紀錄，但去到下半場62分鐘被維拉中場艾度馬攻破大門，兩隊最終賽和1:1。