歌手林海峰噚日喺fb以「班克斯在赤柱？」為題上載照片，相中可見，喺一個「只能落客（Drop Off Only）」交通告示牌上，印咗隻穿降落傘牛嘅塗鴉，呢個塗鴉同知名塗鴉大師Banksy過往作品非常相似，此「大作」下方，更有Banksy慣用簽名，令人估呢隻「被降落」嘅牛係咪真係出自大師手筆？
噴上「降落中的牛」（Parachuting Cow）交通指示牌位於赤柱新街。而喺「只能落客」的指示牌上「落牛」，亦玩味十足，讓人聯想到Banksy早前喺拍賣會上，「自毀」畫作一事。《蘋果》記者噚晚去赤柱視察，發現個告示牌仍喺該處，只係稍為移開到行人路邊，牌上塗鴉仍然完好無缺，亦冇乜人注視。早前疑似Banksy塗鴉作品「撐傘老鼠」亦喺日本東京出現，但畫作冇署名，𠵱家比東京都政府拆咗收入倉庫。