曼聯（紅衫）原定下月16日奧脫福鬥曼城，但因兩隊都要踢英足盃八強，所以曼市打吡要押後。兩隊最初討論將賽事延至4月2或3日，但紅魔鬼本來4月6日喺英超作客狼隊，但呢日踢英足盃準決賽，令曼聯作客狼隊嘅英超亦要改期；由於紅魔鬼或狼隊其中一隊會喺英足盃晉級。狼隊主場對曼聯嘅英超可能提前4月2或3日進行，曼市打吡可能要再押後至四月尾。據報曼市打吡賽期唔會喺歐聯16強次回合完成前落實，如果兩隊都喺歐聯出局，4月8或15日都有可能變成曼市打吡賽期。假如曼城喺歐聯同英足盃都晉級，4月6日主場對卡迪夫城嘅聯賽要改期就英足盃準決賽，目前得4月2或3日，及4月23日可揀；18/19英超喺5月12日煞科。