【本報訊】前基本法草委李柱銘及港大法律學院教授陳文敏昨出席港大《一國兩制的過去：未完的法律討論》論壇回顧起草《基本法》及其落實至今種種爭議，兩人認為港府最近提出修訂《逃犯條例》將會對一國兩制帶來嚴重影響。
陳文敏憂港失國際信心
李柱銘在論壇開場時戲稱香港現況正如論壇題目，「一國兩制已經過去咗啦，仲未完就係仲有蘇州屎」。李柱銘回憶起草《基本法》時，前港澳辦主任魯平曾贈他一本中國憲法，「其實中國憲法一定適用喺香港，但香港嘅法律係基於《基本法》同普通法，憲法執行嘅嘢已經寫咗落《基本法》，𠵱家就話聯合聲明冇用，但唔可以一收番香港就話聯合聲明完咗」。
談到近20年極具爭議性的人大釋法事件，陳文敏提及人大曾就前特首曾蔭權任期長短釋法，「呢次釋法其實只係影響咗一個人，人大就要釋法，其實人大行使權力時係咪應該要有限制或者原則呢？」而當提及近年DQ事件時，李柱銘直斥「離晒譜」，他指梁、游被DQ尚算依據《基本法》第104條，但在參選時DQ候選人卻沒法律依據，「點可以法律未改就DQ？選舉事務處無權咁做，出個新聞稿就可以當改咗條法例咁牙煙？離晒譜」。論壇後二人談到近期修訂《逃犯條例》事宜時，陳指修訂會令人擔憂兩制分野越來越模糊，「國際間對香港嘅認可係來自對另一套司法制度嘅信任，如果將兩個制度嘅界線變得模糊，會影響國際間對香港嘅信心」。李柱銘則認為修例一旦成功，對於一國兩制的影響嚴重，「可能已經同特區簽咗約嘅國家會重新考慮，擔心香港會唔會將某個國家嘅犯交比內地，呢個係一個大問題」。
■記者李雨夢