因蹠骨受傷而冇份踢歐聯16強比賽嘅巴黎聖日耳門球星尼馬日前自爆，佢因為受傷而匿喺屋入面喊咗兩日。尼馬接受巴西電視台《Globo》訪問時就話︰「今次我要克服呢個傷勢相當困難，我喺屋企足足喊咗兩日，呢次傷勢好複雜。第一次受傷嗰陣，我講『我會接受手術，傷患好快會處理好』，但今次受傷，PSG嘅醫療人員決定以保守方法治理而唔做另一次手術。」