曼聯禮拜一晚喺英足盃以2:0擊敗車路士後，喺看台睇波嘅傳奇領隊費格遜，就走入球場同紅魔班後備兵阿歷斯山齊士、麥湯米尼、達洛治傾咗幾句，睇嚟心情不錯。不過喺曼聯前三任領隊莫耶斯、雲高爾以及摩連奴在位嗰陣，費Sir頂多留喺看台，但自從佢推薦嘅蘇斯克查上任後，佢同班球員嘅互動就大增，多次走去卡靈頓訓練場睇練波，唔知以為費蛇先係真正領隊呢？