【爆相爆片】陳奕迅（Eason）貴為歌神，連食飯都獲優厚待遇。日前，《蘋果》讀者發現他與老婆徐濠縈於中環荷李活道一間台灣食肆撐枱腳，更獲VVIP對待，不但被安排坐靜局位置，廚房更特別為徐濠縈整麻糬。
讀者張小姐透過「爆相爆片」分享：「佢哋11點幾已經喺門口，等餐廳12點開門，餐廳對佢哋好到爆，專登整咗個麻糬畀徐濠縈食。」張小姐之後詢問餐廳是否供應麻糬？卻換來一肚氣，她說：「佢話只有VVIP先有，嬲嬲哋，大細超！佢哋好少交流，兩個不停撳電話，食咗九個字就埋單，Eason畀咗50蚊貼士，餐廳啲人勁開心，有四個男侍應搵佢合照。」
採訪：小米
