八方前幾日預告過，本身係虔誠天主教徒嘅前特首曾蔭權，計劃以「前行政長官」身份喺下月10日（星期日）下午2點半至4點半，於香港堅道教區中心以「從信仰角度分享牢中的感受和反省」為主題演講。由於煲呔「重出江湖」後，都冇乜公開發表言論，相信呢次首度披露在囚心路歷程，捧場者眾。
點知八方噚日收到主辦單位消息，話曾蔭權「當日有要事未能出席」，要更改聚會日期，一改就押後逾四個月，要7月21日下晝兩點半先舉行。主辦單位又話，現階段不再接受報名，6月初先會再次接受公開報名，叫有興趣報名人士留意主教座堂網頁。其實煲呔嚟緊有事忙都唔算好出奇，皆因佢早前服刑時，已向終審法院申請上訴許可，5月14日就會開審。