逃犯條例在立法會泛民的「關鍵一票」下，建制肯定夠票通得過。就像曾鈺成說的，香港已經變成罪犯天堂，全國電騙黨即刻埋位開工，市民不日將會收到最update電騙，順豐速遞out了，騙徒食住逃犯條例上，電騙對白模擬如下：
a條例實通過，你老公包二奶犯硬重婚罪，畀錢可以幫你打甩，唔係實引渡返內地槍斃。唔信？賭王都驚到病呀，講緊俾廿億我地集團幫佢。以娥傳娥，傳吓傳吓，娥會變狼，冇呃你的！畀錢啦。
b條例真係唔搞政治，純粹抓銀。所以呢，老細欠稅，下屬頂罪，你幫個無良老闆打工咁耐，筆賬係時候還。所謂還得到先好借，收順啲，跟我地去財仔，簽幾個名，咁就唔怕被上面「慢慢舟」。
c老細，姓羅姓劉兩個大人物都搵我地擺平，你冇理由作賤自己咁嫌命長嘅啫。一口價，一條龍，包保幫你close咗馬交與內地個file。咦，乜你只係小小一個廠佬嗎？咁阿爺擺明蝦你，46條罪名，唔係嚇你，隨時閒閒地中7條！連UGL那五千萬都入埋你數！