上年俾曼聯辭退嘅摩連奴，周日喺里爾體育總監Luis Campos邀請下成為該隊賽和蒙彼利埃0:0場法甲聯賽嘅座上客，之前傳有機會執教法甲勁旅巴黎聖日耳門嘅寸王就話，希望可以好快重執教鞭，仲話「可以想像自己喺法甲執教」。至於PSG周日憑麥巴比入波，作客以1:0小勝聖伊天，麥巴比亦成為法甲近45年嚟首位喺球季頭18場亮相就入到19個入球嘅法國球員。