周日意丙出現一場20:0嘅賽事，AC Cuneo 1905主場以20球之差大勝包尾皮亞琴察職業隊。原來皮亞琴察職業隊陷嚴重財困，一隊已經喺季中散班，今仗為免出唔到賽俾賽會踢出聯賽，就湊夠7個16至19歲的青年球員，啱啱夠法定人數上陣，教練亦由隊長兼任。結果上半場已開出16:0，當地地區傳媒半場已停止更新賽事，更形容今次事件係鬧劇。