【本報訊】農曆新年即將完結，但一手市況未見轉旺，睇樓人潮尚未出現。市區最細劏房盤深水埗AVA 228，昨日首個公眾假期開放示範單位，加拿芬廣場售樓處所見，只有零星睇樓客前來參觀，過程暢通無阻，毋須排隊直入售樓處睇樓，記者於現場逗留近一小時，亦未見人龍出現。
AVA 228由資深投資者盧華家族持有，早前公佈的首批50個單位全為開放式，折實價280.3萬元至517.8萬元，呎價17,655元至21,585元。
準買家：當酒店房住
發展高提供予公眾參觀的示範單位，為項目最大的開放式單位，18樓A室，實用面積203方呎，惟當約5名睇樓客進入示範單位後，內櫳所剩空間無幾。
被代理撈來睇樓的劉小姐表示，打算購買單位作自住用途。對於行內人士指，納米單位不適合人居住，她直言雖然單位的面積細，但二人家庭所需的空間不多，而且丈夫與自己早出晚歸，回家已是入睡時間，故買來作酒店房住。
問及有專家料樓價繼續下跌，她表示，「跌落去緊係好，可買大啲住，升嘅話都冇計，惟有買劏房單位。」
農曆新年期間交投淡靜，周末兩日累錄約35宗成交，較上周約27宗多8宗或30%，當中信置（083）大埔逸瓏灣8累售7伙，部份3房單位及2房特色戶提價約1.5至2%，共涉及33伙。另外，恒地（012）元朗尚悅．嶺累售約6伙、南豐將軍澳LP6累售約4伙。