患有淋巴癌的興叔一向重視生命，7年前患上癌病後用盡積蓄求醫，年前癌病復發，但他不怕死神挑戰，繼續治療令病情一度受控。性格豁達的他毫不忌諱生死，坦言願意死後捐出遺體做「大體」老師，供醫科生作醫療教育及研究。「我同屯門醫院啲醫生講，我條命係你醫好，就算我死，我條屍俾你研究，最主要世間人得益。」月前醫生介紹他試用新藥，他正籌措藥費希望可以試用治好癌病，一圓見證兒子成家的心願。
記者：林熊 攝影：麥超億
64歲的興叔經常自嘲無學識又無一技之長，因為家貧中學未畢業就輟學幫補家計，80年代初，他推木頭車擺街邊做小販。「嗰陣小販好多人做，但搵唔到錢。」他又試過在街市賣雞、賣魚、賣菜、賣生果，幾乎賣得都賣，其後小販管理隊大力掃蕩，「因為拉人拉得太厲害，後期就冇得做囉」。
為兩餐，興叔亦轉行當時最興旺的製衣業。「學人做拉布，拉拉下，就做裁床師傅。」可是其後工廠北移，生計又面臨考驗，「初初都幾好，後期轉型，工廠轉型就搬返去大陸做；跟住裁床都冇得做」。
其間興叔成家立室，一向慳家的他更加勤儉，「後來生咗仔女，自己又冇乜技術；老婆喺7仔（便利店）、許留山做通宵更；自己去學校做校工，校工都幾穩定，做咗十年八年」。
窮則變，變則通，校工之後，興叔轉到酒樓工作，「夜晚做看更，日頭做兼職酒樓企堂，一日做兩份工」。可是持續操勞，健康終於響起警號。
2011年，仍在酒家做日夜更的興叔，某日半夜突然透不過氣暈倒，「當時以為心臟病，原來唔係心臟係淋巴核，淋巴核腫脹逼住氣管，所以唞唔到氣」。其後醫生確診是淋巴癌，癌細胞更擴散全身。他估計「可能捱得多，辛苦過頭，淋巴核走咗出嚟」。
為醫淋巴癌，興叔掏出20多萬積蓄購買標靶藥及營養品，「一萬八千幾蚊一針標靶藥，打咗八針；落咗一年幾藥，一個月一次，都算係幾好，淋巴核消失咗！」半生勞碌，興叔滿以為可重拾健康。
可是2014年，興叔發現大腿內側、腋窩及頸等淋巴位置出現腫痛，他心知不妙到醫院檢查，醫生安排檢查後告知淋巴癌復發，因病情嚴重，獲轉介至瑪麗醫院醫治。
他憶述，瑪麗醫院醫生建議接受砒霜式新藥治療，「我問醫生使唔使錢，佢話唔使，係試驗階段，如果好就長期食落去，試咗兩三年都幾好」。可是近年，「身體差咗，食完藥好攰，胃痛，心臟好似揦住揦住痛」。其後他曾兩次抽骨髓檢驗亦發現有癌細胞，醫生早前推介一種新的免疫藥物，指是專門壓抑控制淋巴核，但藥費昂貴。
興叔希望盡快試用新藥，但同住的兒子剛投身社會工作，收入僅夠日常家庭開支，無能力支付新藥費用。操勞半生為家人，興叔說沒太大心願，現時希望可用新藥盡快康復，見證兒子成家立業結婚。
「興叔」現無力負擔自費免疫治療費用，「蘋果日報慈善基金」關顧主任正關注他的情況。
「興叔」暖流之友編號：C4558
網上捐款： http://bit.ly/applecharity
想知最新蘋果基金動向？即like fb： http://www.fb.com/adfundhk
「蘋果日報慈善基金」聯絡方法：
電話：29908688
傳真：23076307
電郵：mailto:[email protected]
WhatsApp：98627828
網址： https://hk-charity.nextmedia.com
facebook專頁： http://www.fb.com/adfundhk
YouTube頻道： http://www.youtube.com/adfundhk
「蘋果日報慈善基金」捐款方法：
– 以PPS或信用卡作網上捐款： http://bit.ly/applecharity
– 銀行存款：
滙豐銀行：580-198836-001
恒生銀行：368-006565-001
中國銀行：012-898-00067655
東亞銀行（往來戶口）：015-514-68-01678-5
– 現金捐款（OK便利店）
– 填妥捐款表格透過VISA、MasterCard或AE信用卡捐款
– 港九新界10間大家樂分店之捐款箱
– 灣仔「壹．蘋果店」之捐款箱
如讀者市民捐款至醫療專戶，請於入數紙／支票背面寫上S0003專戶編號，然後電郵／傳真／WhatsApp訊息／郵寄予本基金。
如捐款至指定暖流之友（受惠個案），請於入數紙／支票背面寫上其暖流之友編號，然後電郵／傳真／WhatsApp訊息／郵寄予本基金。
「蘋果日報慈善基金」於一九九五年成立，乃根據《稅務條例》第88條獲豁免繳稅的慈善機構。基金除接受市民捐款外，亦接收《蘋果日報》捐出的1%盈利作為善款，以幫助有需要的人士和資助有意義的社會及教育活動。基金一切行政費用均由《蘋果日報》支付，善款的一分一毫，將全數用於暖流之友所需。「蘋果日報慈善基金」務求按照善長意願，把善款轉交指定暖流之友。然而個別暖流之友可能因長期離港及搬遷等情況以致失去聯絡，甚或暖流之友已經逝世或拒收捐款，有關善款將撥入基金作其他慈善用途。