擁抱新移民要deeper? - 陳也

擁抱新移民要deeper? - 陳也

擁抱新移民?二月十四,講呢啲?

黎局長,不,前局長,係咪重口味咗少少?

擁抱的新移民名單,就算個個係趙薇或者湯唯,都早已名花有主,郎朗與李雲迪呢,都被「落釘」,非闊太勿擾。七除八扣下,黎局長叫香港人擁抱的賣剩蔗,隨時就是拉住篋輾過你左腳再輾埋你男朋友隻右腳的大媽,從港豬澳橋湧來,除了逼爆東薈城的廁所,還會向你喊話:唔係我地來購物,你地香港人餓死好耐啦。大媽七個月後搖身一變,升呢做了新移民,口吻轉了,變成乜乜同鄉會的骨幹,專負責社團秩序,幫民×聯洗樓,拍鄉里門拍鄉里膊頭,用福建話詳細交代何謂掌心雷。泛民支持者,想擁抱這樣的新移民,所謂深耕社區,是嗎?但大媽一見泛民梯隊,即刻被一口唔鹹唔淡廣東話大罵:擁你老妹!食屎啦!擁抱這種大媽新移民,記憶自動會跟長榮空姐幫變態癡肥洋乘客擦屎眼的畫面fusion,抱在懷裏的大媽,會對港豬小鮮肉呻吟deeper嗎?大媽會不會學林鄭兩年前777票當選時,被老公那麼公開一抱,當堂反白眼呢?