德甲榜首多蒙特周二喺德國盃16強主場迎戰雲達不來梅，90分鐘踢成1:1，喺加時兩度領先下仲要俾客軍逼和3:3，最終互射12碼以2:4受挫不來梅，無緣晉身八強。多蒙特除咗出局外，隊中29歲嘅前鋒馬高列奧斯曾射入靚罰球追平後喺半場時被換走，賽後教練法夫利話呢位前鋒受傷，所以半場被迫退下火線。𠵱家未知傷勢如何，但卻為下周中鬥熱刺嘅歐聯大戰蒙上陰影。