送狗迎豬前夕，警隊一哥的金句雖然及不上四點鐘許Sir，唔值得recap成英文，但也頗堪港豬玩味。一哥對上升55%的警察犯罪率頗為不滿，因而說「我地警察嚟㗎嘛，做咩做做吓，做咗賊呢。」
由當差變做賊，的確叫人遺憾。同一片天空下，一樣有人浩歎，點解我地做領導人㗎嘛，做咩做做吓做咗階下囚呢。
更加令港豬感慨的是，做咩有人做做吓做了監躉，但有人犯相似的罪，額頭鑿住個賊字，依然被放生呢。明明係司法機關，做咩做做吓，做咗掠水神棍，公開表演盲目放生呢。龜和魚放生不得其法，害人害物㗎嘛，師奶都懂的道理，做咩做到最高級的法律才俊，會翻白眼鳩噏獻醜呢。
做做吓人變狼，做做吓大學生變鬼，做做吓60歲變中年，做做吓一國兩制變一制，做做吓港豬變23條粉腸。原來，警察做做吓「做世界」是有苦衷的。