【馮仁昭四圍超】薛凱琪化妝:似畫畫

【馮仁昭四圍超】薛凱琪化妝:似畫畫

薛凱琪日前拍化妝品廣告,由於主題以閨密為題,佢就搵鄭融合作,薛凱琪話:「平時都係生日、聖誕先會有機會見面,次次都覺得唔夠時間,所以一聽到搵我哋開工,都覺得好開心,拍完仲一齊食晚飯,趁住呢個機會不停報告近況。」

提到自細偷媽咪化妝品畫畫,搞到俾媽咪鬧,薛凱琪話:「大個都鍾意化妝,每次化妝都好似畫緊3D畫,喺塊面度畫自己鍾意嘅畫,𠵱家工多藝熟。」
撰文:馮仁昭