有人提議高官拍片，以身作則，打動「老細」，請60歲中年開工。
羅致光打頭陣：「如果你請晒好似我160智商的中年，包你精神健康好多，自信好多，辦公室朝氣勃勃，120歲睇落都似只係60歲。唔信？睇吓林鄭班子就知，我們6字頭的中年行埋，野豬點敢發惡過來搶食。」
陳茅波接嘴：「公司請中年，發水過耕田。以我多年囤地經驗，香港滄海已經無桑田，變晒豪宅。所以我推薦豪宅請晒60歲中年做看更。吓，又再畀嬲？我沒頂囉喎，睇來我要盡快學潛水，老細，明日大嶼隻潛水艇，預埋我。」
鄭大話白眼搶白：「老細當然中意請我這種中年大嬸，貪我抿屎唔使眨眼，點會好似班後生女咁嫌三嫌四。幫習帝個pat pat抿屎，更是我人生中最期待的大job。我廁紙都買定，係咪好醒哩。」
已經兩年冇人請的689亢奮了：「我今年64，咁啱六四三十周年，主席，搵我做代言，代替中年多少少、91歲就瓜咗的袁木同志吧。維園那些港豬，等住殺無赦！」