星期日意甲，力爭八連冠嘅祖雲達斯作客拉素。上半場祖記形勢不及拉素，但雙方都無法打破悶局。換邊後，祖記中場安利簡恩喺拉素一次角球攻勢入面擺烏龍，令拉素喺59分鐘先開紀錄。不過，傷癒復出嘅祖奧簡斯路後備上陣僅四分鐘，就喺74分鐘幫祖記追平，之後佢再喺88分鐘博到12碼，由基斯坦奴朗拿度親自操刀射成2:1，幫祖記後來居上踢走拉素。祖記全取三分後，家陣以21戰得59分繼續高踞聯賽榜首位。
至於同日力爭前四嘅羅馬，雖喺上半場有迪斯高梅開二度同艾沙拉維入波早早領先三球，不過都俾主場嘅阿特蘭大追返3球逼和3:3，羅馬賽後只係得34分排第5，過唔到第4位有35分嘅AC米蘭。